FUNDARTÍMAR VETURINN 2020 - '21
Drekaskátar 2-4 bekkur á þriðjudögum kl 17.00-18.30
Fálkaskátar 5-7 bekkur á fimmtudögum kl 18.30-20.00
Dróttskátar 8-10 bekkur á þriðjudögum kl. 20.00-21.30
Rekka- og Róverskátar 16-23 ára mánudögum kl. 20:00-22:00
Skátaheimili er við Hringbraut 101, 230 Keflavík
Gjaldið fyrir árið er 42.000 isk. Allt sem er notað í vikulegum skátafundum er innifalið í gjaldinu. Það má millifæra eða nota fristunda kort á mittreykjanes.is.
Praca harcerzy rozpoczyna siȩ września 2017 rejestracją.
Harcerze Smoki od 2-4 klasy w wtorki o godzinie 17-18.30
Harcerze Sokoły od 5-7 klasy w wtorki w godzinach 18.30-20
Harcerze Dróttskátar od 8-10 klasy w środyo godzinie 20-21.30
Spotkania harcerzy Rekka-rovera 16-23 lat spotykają się w wtorki od 20 do 21.30
Siedziba harcerzy znajduje siȩ na ulicy Hringbraut 101, 230 Keflavík
Składka do Świąt Bożego Narodzenia wynosi 21.000 kr.
Składka członkowska zawiera wszystko co jest w programie cotygodniowym. Składkȩ członkowską można zapłacić przelewem lub użyć karty rekreacyjnej z mittreykjanes.is. Można podzielić płatności zgodnie z kasjerem.
Czekamy na was!
Um skátafélög og skátastarf
Meginhlutverk skátafélaganna er að standa fyrir reglubundnu skátastarfi fyrir börn og ungmenni á aldrinum 7-22 ára, sem starfa að jafnaði í aldursskiptum skátasveitum sem skipað er í flokka, auk skátaforingja og annarra fullorðinna.
Ábyrgð skátafélaganna er mikil og því starfa þau eftir lögum og reglugerðum BÍS, æskulýðslögum, öðrum landslögum sem snerta starfsemi þeirra og þeim meginreglum sem stofnandi skátahreyfingarinnar, Baden-Powell, setti skátastarfi í skátaheiti og skátalögum.
Á þessar síðu er að finna mikilvægar upplýsingar um hlutverk, ábyrgð og skyldur skátafélaganna og skátaforingja auk margvíslegs fróðleiks sem nýtist félagsstjórnum og skátaforingjum í starfi sínu.
Hér er að auki að finna efni um skátaflokkinn og skátasveitina, sjálfboðaliða í skátastarfi, skátabúninginn og annað sem snertir umgjörð skátastarfs í skátafélagi.
Skátafélagið
Það er að mörgu að hyggja fyrir stjórnendur góðs skátafélags svo tryggt sé að skátaforingjarnir, flokkar og sveitir búi við þá umgjörð sem nauðsynleg er í góðu æskulýðsstarfi. Meðal verkefna sem nefna má eru áætlanagerð, fjármál og rekstur, umsjón með húsnæði og stundum skála, samskipti við starfandi skáta í félaginu, foreldra og fjölmiðla, skipulagning viðburða, umsjón með félagatali og svo mætti lengi telja.
Skátalög og skátaheit
Siðferðileg gildi skátahreyfingarinnar er að finna í skátaheitinu og skátalögunum.
Fyrirmynd þeirra er í samþykktum alþjóðahreyfinga skáta – en orðalag er svolítið mismunandi eftir löndum, menningarheimum og tungumálum.
Skátabúningurinn
Þegar Baden Powell lagði grunninn að skátastarfinu taldi hann nauðsynlegt að það sæist ekki á klæðaburði þeirra hvort þeir kæmu frá fátækum heimilum eða efnuðum. Skátastarfið væri fyrir alla og í skátastarfi væru allir jafnir. Þegar börn hittast er samanburður í klæðnaði auðveldur. Skátabúningurinn á að hindra að þessi samanburður geti farið fram en auk þess er hann skemmtilegt sameiningartákn og setur skemmtilegan brag á starfið.
Skátaforinginn
Skátaforinginn er burðarásinn í öllu skátastarfinu.
Hann er lögráða einstaklingur sem hefur verið skipaður til ábyrgðastarfa af hálfu félagsforingja eða skátahöfðingja, samanber reglugerð um hæfi skátaforingja. Hver skátaforingi ber ábyrgð gagnvart foringja sínum á því að skátastarf á hans vegum sé virkt og í samræmi við skátaheitið, skátalögin, landslög, lög og grundvallarstefnu Bandalags íslenskra skáta.
Skátaflokkurinn
Flokkakerfið er sá vettvangur þar sem skátarnir þroskast og læra að vinna saman.
Vináttubönd myndast og hópurinn þróast. Skátarnir velja sér sjálfir flokk og ákjósanleg stærð hvers flokks er 5-8 skátar. Gæta þarf þess að flokkarnir fái nægt svigrúm í skátastarfinu og frelsi og sjálfstæði sem hæfir aldri skátanna.
Skátasveitin
Skátasveitin er stuðningskerfi flokkanna og er samsett úr öllum flokkunum sem eru á sama aldursstigi, ásamt fullorðnu sveitarforingjunum sem styðja við starf þeirra.
Þegar margir skátar eru á hverju aldursstigi í skátafélagi eru stundum myndaðar fleiri en ein skátasveit. Helsta hlutverk skátasveitanna er að hafa umsjón með og styrkja flokkakerfið og styðja frjálsræði og sjálfstæði skátaflokkanna.
Sjálfboðaliðar í skátastarfi
Skátahreyfingin þarf á fullorðnu fólki að halda til þess að markmiðum hennar verði náð. Það þarf fjölda fullorðinna sjálfboðaliða af báðum kynjum til þess að skátastarf fyrir börn, unglinga og ungt fólk geti gengið upp. Sumir vinna beint með skátunum sem sveitarforingjar og aðstoðarsveitarforingjar og aðrir vinna að alls konar viðfangsefnum „baksviðs“ sem nauðsynleg eru til þess að skátastarf blómstri, t.d. stjórnarstörf og margs konar verkefnastjórnun í skátafélögum og hjá BÍS, störf tengd útgáfu, fræðslu- og fjármálum.